Azərbaycan, Bakı, 18 aprel /Trend, müxbir E.İsmayılov/
Yaxın bir neçə ildə ARDNŞ-nin (Azərbaycan Respublikası Döğvlət Neft Şirkəti) "Azərkimya" İstehsalat Birliyi ixrac imkanlarını ildə bir milyon tona çatdırmağı planlaşdırır. Bu barədə bazar ertəsi "Azərkimya"nın rəhbəri Muxtar Babayev V Beynəlxalq Xəzər neft-qaz, ticarət-nəqliyyat konfransında bildirib.
Onun sözlərinə görə, ixrac imkanlarının İB-nin balansında olan müəssislərin yenidən qurulması və karbamid istehsalı üzrə yeni zavodun tikintisi hesabına artırılması planlaşdırılır.
Babayev deyib ki, hazırda İB zavodun tikintisinə başlamaq üzrə hazırlıq aparır.
Yeni zavodun istehsal gücünün ildə 500 min ton səviyyəsində olacağı gözlənilir.
Konfrans Azərbaycan Dövlət Neft Akademiyası ilə birgə "Confidence Energy" şirkəti tərəfindən təşkil olunub.
Bu konfransa informasiya dəstəyini Trend BİA həyata keçirir.