...

ARDNŞ dövlət büdcəsinə ödənişləri artırıb

Energetika Materials 14 İyul 2011 12:13 (UTC +04:00)

Azərbaycan, Bakı, 14 iyul /Trend/

Yanvar-iyunda ARDNŞ (Azərbaycan Respublikası Dövlət Neft Şirkəti) dövlət büdcəsinə 547,95 milyon manata yaxın vəsait ödəyib ki, bu da ötən ilin müvafiq dövrü ilə müqayisədə 34 milyon manat çoxdur. Bu barədə cümə axşamı Trend-ə ARDNŞ-dən məlumat verilib.

İyun ayında dövlət büdcəsinə 99,67 milyon manat vəsait ödənilib ki, bu da ötən ilin analoji dövrü ilə müqayisədə 12,4 faiz çoxdur.

Məlumatda deyildiyi kimi, yanvar-iyunda ARDNŞ Dövlət Sosial Müdafiə Fonduna 65,4 milyon manat vəsait ödəyib ki, bu da ötən ilin müvafiq dövrü ilə müqayisədə 4,2 milyon manat (6,8 faiz) çoxdur.

İyunda ARDNŞ Dövlət Sosial Müdafiə Fonduna 12,25 milyon manat vəsait ödəyib ki, bu da ötən ilin iyun ayı ilə müqayisədə 6,5 min manat çoxdur.

Xəbər lenti

Xəbər lenti