...

Azərbaycan Sənaye Nazirliyi yanında Dövlət Qaz Nəzarəti İdarəsi yoxlamalar aparır

Energetika Materials 25 Avqust 2011 12:54 (UTC +04:00)

Azərbaycan, Bakı, 25 avqust /Trend, müxbir E.İsmayılov/

Azərbaycan Sənaye və Energetika Nazirliyi yanında Dövlət Qaz Nəzarəti İdarəsi hüquqi şəxslərin və respublika ərazisindəki iri müəssisələrin qaz təsərrüfatlarında yoxlamalar aparır. Bu barədə cümə axşamı idarənin rəhbəri Asif Zeynalov bildirib.

Onun sözlərinə görə, iyulda 110 obyektdə yoxlamalar aparılırdısa, avqustda belə obyektlərin sayı 130 olub. İyunda 73 obyektdə yoxlamalar aparılıb.

Zeynalovun sözlərinə görə, hansısa obyektdə yoxlama aparmaq üçün idarə Ədliyyə Nazirliyindən icazə alır, işlər başa çatdıqdan sonra isə nəticələrlə bağlı ƏN-ə hesabat verir.

Tədqiqatlar abunəçilər tərəfindən qazdan istifadə qaydalarına əməl olunmasının təmin edilməsi üçün aparılır. Qazdan istifadə qaydalarını pozan istehlakçılar barəsində ölkənin İnzibati Xətalar Məcəlləsində nəzərdə tutulan cərimələr tətbiq olunur.

2009-cu ildə Azərbaycan Parlamenti İnzibati Xətalar Məcəlləsinin 116-cı maddəsinə (Qaz, istilik və elektrik enerjisi sahəsində qanunvericiliyin tələblərinin pozulması) dəyişiklikləri təsdiqləyib. Əgər əvvəllər maddə istilik və elektrik enerjisi sahəsində pozuntuya görə cərimələri nəzərdə tuturdusa, dəyişikliklər edildikdən sonra qazdan istifadə sahəsində də cərimələr tətbiq edilib. Həmçinin, dəyişikliklərə uyğun olaraq, bu sahələrdə pozuntuya görə cərimələrin məbləği xeyli artıb.

Bu xətalara görə fiziki şəxslər iki yüz manatdan beş yüz manatadək miqdarda, vəzifəli şəxslər min manatdan min beş yüz manatadək miqdarda, hüquqi şəxslər iki min beş yüz manatdan üç min manatadək miqdarda cərimə edilirlər.

Bu maddənin xüsusiyyətləri ondan ibarətdir ki, pozuntuya görə cərimələr təkcə istehlakçılara deyil, həm də qaz sahəsində çalışan hüquqi və vəzifəli şəxslərə şamil edilir.

Maddə qaz təsərrüfatı elementlərnin layihələndirilməsi, tikintisi və təhvil verilməsi prosesində qayda pozuntularına görə cərimələrin tətbiqini nəzərdə tutur. Cərimələr qazın dövlət və sahə standartlarının pozulmasına görə də nəzərdə tutulur ki, bu da gələcəkdə qazın keyfiyyətinin artırılması üçün şərtdir.

Xəbər lenti

Xəbər lenti