Azərbaycan, Bakı, 8 sentyabr /Trend, müxbir E.İsmayılov/
Xəzər dənizinin Azərbaycan sektorundakı perspektivli "Şəfəq-Asiman" blokunun kəşfiyyatı və işlənməsi layihəsinin iştirakçısı olan "BP-Azərbaycan" şirkəti blokda ticarət baxımından cəlbedici karbohidrogenlərin kəşf edilməsi ehtimalını 25 faiz səviyyəsində qiymətləndirib.
Trend-in məlumatına görə, bunu cümə axşamı strukturda seysmik tədqiqatların ətraf mühitə təsirinə dair hesabatın ictimai dinləmələrində "BP-Azərbaycan"ın geoloji kəşfiyyat qrupunun rəhbəri Arzu Cavadova bildirib.
Onun sözlərinə görə, daha dəqiq rəqəmləri kəşfiyyat işləri prosesinin tamamlanmasından sonra ifadə etmək olar.
Bundan əvvəl bu blokda kəşfiyyat işləri aparılmayıb.
"Blokda kəşfiyyat işlərinin aparılmasının qrafiki özünü doğruldub, çünki seysmik kəşfiyyat aparılması, əldə olunan məlumatların emalı və izahı, qazma işlərinin aparılması müəyyən zaman tələb edir", - Cavadova bildirib.
Blokda seysmik yaxın günlərdə kəşfiyyat işlərinin aparılması gözlənilir. Kəşfiyyat artıq işlərin başlanması üçün hazır vəziyyətdə olan "Gilavar" geofizika gəmisindən aparılacaq.
"BP-Azərbaycan" şirkətinin texniki tədqiqatlar üzrə koordinatoru Arif Talıbovun iclasda dediyinə görə, gəmidən aparılacaq tədqiqatlar təxminən 3,5 ay sürəcək.
Gəminin və onun strukturda işinin təmini tam gün olacaq.
"BP-Azərbaycan" şirkətinin xarici əlaqələr şöbəsinin rəhbəri Tamam Bayatlının sözlərinə görə, bu blokun kəşfiyyatı və işlənməsi müqaviləsi PSA növündədir, BP şirkəti ARDNŞ ilə bərabər şərtlərlə işləyir. Bu layihədə BP operator rolunda çıxış edəcək.
Blokun yerləşdiyi yerdə suyun dərinliyi 650-950 m təşkil edir.
