Azərbaycan, Bakı, 19 aprel /Trend/
Ermənistan hökuməti ölkədəki "Metsamor" atom elektrik stansiyasının (AES) ikinci blokunun iş müddətinin uzadılmasına kömək emək xahişi ilə Beynəlxalq Atom Enerjisi Agentliyinin (BAEA) rəhbərinə müraciət edib. Trend-in "Novosti-Armeniya"ya istinadən verdiyi məlumata görə, bu barədə cümə axşamı Ermənistan hökumətinin iclasında Baş nazir Tiqran Sarkisyan bildirib.
BAEA-nın baş direktoru Yukiya Amano Yerevanda səfərdədir. O, Baş nazir Sarkisyanla da görüşüb.
Aprelin 19-da Ermənistan hökuməti ölkədəki AES-in ikinci enerji blokunun istismar müddətinin uzadılması haqqında qərar qəbul edib. Blokun işi 2016-cı il sentyabrın 1-i başa çatmalıdır.