Azərbaycan, Bakı, 22 avqust /Trend, müxbir A.Axundov/
"Azərbaycan" İstilik Elektrik Stansiyası bu ilin yanvar-iyul aylarında 4,65 milyard kilovat-saat elektrik enerjisi istehsal edib. Trend-in məlumatına görə, bu barədə "Azərenerji" ASC-nin çərşənbə günü yaydığı məlumatda deyilir.
İyulda 656,6 milyon kilovat-saatdan artıq elektrik enerjisi istehsal olunub.
"Azərbaycan" İES Cənubi Qafqaz regionunda ən güclü enerji müəssisəsidir. Elektrik stansiyası hər birinin gücü 300 meqavat olan səkkiz enerji blokundan ibarətdir.
"Elektrik stansiyasının yenidən qurulması başa çatıb, bundan sonra stansiyanın gücü 2600 meqavat/saatadək artıb", - məlumatda deyilir.