...

"E&E Publishing" agentliyi: "Cənub Qaz Dəhlizi" Rusiyanın "Qazprom" şirkəti üçün təhdid təşkil etmir

Energetika Materials 2 İyul 2013 08:09 (UTC +04:00)
ABŞ-ın ətraf mühit və enerji məsələləri üzrə ixtisaslaşan “E&E Publishing” agentliyi tərəfindən iyulun 1-də “Cənub Qaz Dəhlizi" mübarizəsində qalib məlum olur” başlıqlı məqalə yayılıb.
"E&E Publishing" agentliyi: "Cənub Qaz Dəhlizi" Rusiyanın "Qazprom" şirkəti üçün təhdid təşkil etmir

Trend-i buradan izləyin

Azərbaycan, Bakı, 2 iyul /Trend/

ABŞ-ın ətraf mühit və enerji məsələləri üzrə ixtisaslaşan "E&E Publishing" agentliyi tərəfindən iyulun 1-də "Cənub Qaz Dəhlizi" mübarizəsində qalib məlum olur" başlıqlı məqalə yayılıb.

Azərbaycanın ABŞ-dakı səfirliyindən Trend-ə verilən məlumata görə, Bleyk Sobçakın (Blake Sobczak) müəllifi olduğu bu məqalədə Xəzər regionunu Avropaya birləşdirən "Cənub Qaz Dəhlizi", xüsusilə "Şahdəniz" konsorsiumu tərəfindən seçilmiş Trans-Adriatik qaz kəməri (TAP) haqqında məlumat verilir və layihənin gələcək perspektivlərinə dair dəyərləndirmə əks olunur.

Məqalədə BP neft şirkətinin regional direktoru Qordon Bireldən sitat gətirilərək, TAP-ın seçilməsinin "Şahdəniz II" layihəsinin icrasında irəliyə doğru mühüm bir addım olduğu açıqlanır. Eynilə Dövlət Departamentinin sözçüsü Patrik Ventrelin TAP qərarını Azərbaycan üçün mühüm bir mərhələ kimi alqışladığı göstərilir və ona istinadən "Cənub Qaz Dəhlizi"nin Avropanı qazla təchiz etməklə bərabər, qlobal enerji təhlükəsizliyinə mühüm bir töhfə verdiyi bildirilir.

Müəllif TAP tərəfdarlarının kəmərin keçdiyi dövlətlərlə yanaşı, gələcəkdə qonşuluqda yerləşən Xorvatiya, Bolqarıstan, Bosniya və Herseqovina kimi ölkələrlə də qaz tədarük edə biləcəyinə dair mövqeyini işıqlandırır, eyni zamanda, "Cənub Qaz Dəhlizi"nin Avropanın qaz ehtiyaclarının dörddə birini ödəyən Rusiyanın "Qazprom" şirkəti üçün bir təhdid təşkil etmədiyini yazır.

Azərbaycanın ABŞ-dakı səfiri Elin Süleymanov ilə müsahibəsindən çıxarışların da yer aldığı yazısında B.Sobçak səfirin "Cənub Qaz Dəhlizi"nin "Qazprom" kimi iri şirkətlərə qarşı çıxmaq məqsədi daşımadığına dair sözlərindən sitat gətirir. E.Süleymanova istinadən məqalədə Azərbaycanın kiminlə isə birbaşa rəqabət aparmaq deyil, daha çox rəqabətli bazarda işləmək istədiyi qeyd olunur. Nəhayət, müəllif səfirin "biz Qafqazı və Xəzəri Avropaya birləşdirmək istəyirik" ifadəsini vurğulayır.

Məqalədə:
Xəbər lenti

Xəbər lenti