Azərbaycan, Bakı, 29 iyul /Trend, müxbir E.İsmayılov/
Azərbaycan Respublikası Dövlət Neft Şirkətinin (ARDNŞ) Rumıniyada fəaliyyəti çərçivəsində 2013-cü il üçün büdcəsi 50 milyon avro həcmində planlaşdırılıb. Bu barədə Trend ARDNŞ-nin Rumıniya nümayəndəliyinin rəsmi saytına istinadən məlumat verir.
Məlumata görə, ARDNŞ ilin sonunadək bu ölkənin əsas mərkəzlərində yanacaqdoldurma məntəqələri (YDM) açmaq niyyətindədir:
"2013-cü ildə investisiya planı, YDM-lərin sayı və inkişaf tempi Rumıniyanın yanacaq bazarının artım tempindən və bürokratik proseslərdən asılıdır".
Qeyd edək ki, Rumıniyada hazırda SOCAR brendi altında 16 ədəd YDM fəaliyyət göstərir.