...

BP: "Azəri-Çıraq-Günəşli" yataqlar blokunda yeni platformanın tikintisi mümkündür

Energetika Materials 29 Yanvar 2014 16:25 (UTC +04:00)

Trend-i buradan izləyin

Azərbaycan, Bakı, 29 yanvar /Trend, müxbir E.İsmayılov/

2019, 2020 və 2021-ci illərədək Xəzərin Azərbaycan sektorundakı "Azəri-Çıraq-Günəşli" (AÇG) neft-qaz dəniz yataqları blokunda hasilatın səviyyəsinin sabit saxlanması üçün yeni platformanın mümkün tikintisi də daxil olmaqla müəyyən texniki tədbirlərin keçirilməsinə ehtiyac yarana bilər. Trend-in məlumatına görə, bu barədə brifinqdə "BP Azerbaijan" şirkətinin rəhbəri Qordon Birrell deyib.

Bununla yanaşı, o dəqiqləşdirib ki, sabit hasilat həcmləri ildə 32 milyon ton neft civarında ola bilər: "Azərbaycanda neft hasilatı həcmlərinin təbii olaraq azalması şəraitində BP yeni texnologiyaların tətbiqini vacib hesab edir".

Q.Birrellin sözlərinə görə, AÇG çox iri yataqdır və sabit hasilat dövrünün uzadılması məqsədilə texniki tədbirlərin həyata keçirilməsi zəruridir: "Hazırda bu məsələlərlə bağlı ARDNŞ və tərəfdaşlarla müzakirələr aparılır".

"Azəri-Çıraq-Günəşli" dəniz yataqları bloku üzrə müqavilə 1994-cü ildə imzalanıb.

AÇG-də iştirak payları: BP (operator - 35,78%), AzAÇG (11,65%), Chevron (11,27%), Inpex (10,96%), Statoyl (8,56%), Exxon (8%), TPAO (6,75%), Itochu (4,3%), ONGC (2,72%)

Məqalədə:
Xəbər lenti

Xəbər lenti