Azərbaycan, Bakı, 12 fevral /Trend/
Fevralın 12-də Füzuli rayonunun 3-cü Zobcuq qəsəbəsinə təbii qaz verilib. Trend-in ARDNŞ-nin saytına istinadən verdiyi xəbər görə, bu münasibətlə keçirilmiş tədbirdə "Azəriqaz" İstehsalat Birliyinin və rayon İcra Hakimiyyətinin təmsilçiləri, ictimaiyyət nümayəndələri iştirak ediblər.
Tədbirdə bildirilib ki, 400 abonenti olan 3-cü Zobcuq qəsəbəsinin qazlaşdırılması məqsədi ilə birpilləli sistem əsasında ümumi uzunluğu 18 kilometrdən artıq metal borularla daşıyıcı və məhəllədaxili qaz xətləri çəkilib, 400 ədəd sayğac və fərdi tənzimləyici quraşdırılıb.