Azərbaycan, Bakı, 1 mart /Trend, müxbir E.Əliyev/
Enerji səmərəliliyinin artırılması Azərbaycan iqtisadiyyatının qarşısında dayanan başlıca vəzifələrindən biri olaraq qalır. Trend-in məlumatına görə, bu barədə Avropa Yenidənqurma və İnkişaf Bankının (AYİB) ölkədə fəaliyyəti üzrə strategiya layihəsində deyilir.
Strategiya 3 il müddətinə hesablanıb və 2014-17-ci illəri əhatə edir.
Sənəddə deyilir ki, xüsusilə mənzil sektorunda Azərbaycan iqtisadiyyatı regionda ən enerji tutumlulardan biridir: "Alıcılıq qabiliyyəti pariteti üzrə ÜDM-in 1 ABŞ dollarına istehlak edilən enerjinin həcmi Avropa İttifaqının (Aİ) 27 ölkəsi üzrə orta hesabla təqribən 1,2 dəfə çoxdur. Enerji səmərəliliyinin inkişafı üzrə fəaliyyət planına malik şirkətlər daha çox müvafiq layihələr həyata keçiriblər və bu sahəyə təşkilati tədbirlər keçirməyən müəssisələrdən daha çox investisiya yatırıblar".
Bank qeyd edir ki, lakin bu nailiyyətlər enerji səmərəliliyi sahəsində normativ-hüququn təmin edilməsi və Azərbaycan sənayesinin real səmərəli fəaliyyəti baxımından gələcək inkişaf üçün yer saxlayır.
