Azərbaycan, Bakı, 21 aprel /Trend, müxbir E.İsmayılov/
Türkiyə Azərbaycan və İrandan qaz tədarükləri üzrə müqavilələrin icrası prosesində "al və ya ödə" prinsipindən uzaqlaşmaq niyyətindədir. Trend-in "TRT Haber" telekanalına istinadən verdiyi məlumata görə, bunu jurnalistlərə Türkiyənin energetika və təbii sərvətlər naziri Taner Yıldız deyib.
O bildirib: "Biz daha əvvəl Rusiya ilə olduğu kimi, Azərbaycan və İrana qarşı da "al və ya ödə" prinsipi üzrə müqavilədən imtina etməliyik".
T.Yıldız qeyd edib ki, Türkiyə 2014-cü ildə İran, 2015-ci ildə isə Azərbaycanla müqavilələrdə "al və ya ödə" ödəmə prinsipindən imtina edəcək.
Nazir deyib ki, buna görə də Azərbaycan və İran Türkiyəyə kifayət qədər qaz tədarüklərini təmin etməlidir: "Kifayət qədər tədarük olmayacağı halda, onlar bu mexanizmə (al və ya ödə) daxil edilməyəcək".
