...

Dövlət Neft Fondunun "Şahdəniz" layihəsindən gəlirləri 1,8 milyard dolları ötüb

Energetika Materials 9 İyun 2014 17:12

Trend-i buradan izləyin

Azərbaycan, Bakı, 9 iyun /Trend, müxbir E.İsmayılov/

2014-cü il iyunun 1-nə olan məlumata görə, Azərbaycan Respublikası Dövlət Neft Fondunun (ARDNF) 2007-ci ildən etibarən Xəzərin Azərbaycan sektorunda "Şahdəniz" qaz-kondensat yatağının işlənməsi layihəsinin reallaşdırılmasından gəlirləri 1 852,9 milyon dollar təşkil edib. Bunu Trend-ə ARDNF-dən deyiblər.

Fonddan bildiriblər ki, 2014-cü il yanvarın 1-dən iyunun 1-dək Dövlət Neft Fonduna "Şahdəniz" layihəsi çərçivəsində 256 milyon dollar daxil olub.

"Şahdəniz" yatağının ehtiyatları 1,2 trilyon kubmetr qaz həcmində qiymətləndirilir.

2014-cü il aprelin 1-nə olan məlumata görə, ARDNF-nin aktivləri 2014-cü ilin əvvəli (35 877,5 milyon dollar) ilə müqayisədə 2,07 faiz artaraq 36 618,4 milyon təşkil edib.

Məqalədə:
Xəbər lenti

Xəbər lenti