...

Bu ilin I yarısında AÇG-də 80-dən çox quyuda neft hasilatı aparılıb

Energetika Materials 15 Avqust 2014 16:44

Trend-i buradan izləyin

Azərbaycan, Bakı, 15 avqust /Trend, müxbir Emil İsmayılov/

2014-cü ilin I yarımilliyində Azərbaycanın "Azəri-Çıraq-Günəşli" dəniz yataqları blokunda 81 neft hasilat və 36 injektor quyusu istismarda olub. Trend-in məlumatına görə, bu barədə cümə günü BP-nin 2014-cü ilin yanvar-iyun aylarında Azərbaycanda fəaliyyətinin yekunları üzrə hesabatında deyilir.

BP və tərəfdaşlar ilin I yarısında AÇG blokunda 16 milyon ton neft (118,8 milyon barel), 2013-cü ilin analoji dövründə isə 16,4 milyon ton neft hasil ediblər.

"Çıraq" yatağında 18 quyu istismarda olub (13 hasilat və 5 suvurma quyusu) və oradan orta hesabla gündə 65 800 barel neft hasil edilib.

"Mərkəzi Azəri" yatağında 25 quyu istismarda idi (18 hasilat, bir suvurma quyusu və 6 qaz injektor ) və oradan gündə orta hesabla 167 600 barel hasilat əldə edilib.

"Qərbi Azəri" yatağında 24 quyu istismarda idi (18 hasilat və 6 suvurma quyusu) və oradan gündəlik orta hesabla 165 100 barel neft hasil edilib.

"Şərqi Azəri" yatağında 17 quyu istismarda idi (13 hasilat və 4 suvurma quyusu) və oradan birinci rüb gündəlik orta hesabla 83 200 barel hasilat əldə edilib.

"Dərinsulu Günəşli" yatağında 29 quyu istismarda idi (15 hasilat və 14 suvurma quyusu) və oradan gündəlik orta hesabla 148 500 barel hasilat əldə edilib.

"Qərbi Çıraq" yatağında dörd quyudan gündəlik orta hesabla 25 900 barel hasilat əldə edib.

"Azəri-Çıraq-Günəşli" dəniz yataqları bloku üzrə müqavilə 1994-cü ildə imzalanıb. Blokun neft ehtiyatı təqribən 1 milyard tondur. AÇG-də iştirak payları: BP (operator - 35,8%), ARDNŞ (11,6%), Şevron (11,3%), İNPEKS (11%), Statoyl (8,6%), EksonMobil (8%), TPAO (6,8%), İTOÇU (4,3%), ONGC Videş Limited (OVL) (2,7%).

Məqalədə:
Xəbər lenti

Xəbər lenti