Bakı. Azad Həsənli - Trend:
Azərbaycan qazının Avropaya çatdırılmasını nəzərdə tutan "Cənub qaz dəhlizi" layihəsi Aİ-nin enerji təhlükəsizliyinin təmin olunmasında müstəsna rol oynayır.
Trend-in məlumatına görə, bunu jurnalistlərə ABŞ-ın Azərbaycandakı səfiri Robert Sekuta bildirib.
Onun sözlərinə görə, ABŞ Avropa İttifaqı və Azərbaycanla "Cənub qaz dəhlizi" üzrə işləri davam etdirir: "Bu yaxınlarda neft sahəsində Aİ ilə yeni müzakirələr keçirilib. Bu müzakirələrin mühüm hissəsi Avropanın enerji təhlükəsizliyinin təmin olunması mövzusu olub. Müzakirələr zamanı Azərbaycanın bu sahədə vacib rol oynadığı xüsusilə vurğulanıb".