...

Aİ bu il Azərbaycandan qaz tədarükünün artmasını gözləyir – Avrokomissar

Energetika Materials 27 İyul 2022 15:23 (UTC +04:00)
Aİ bu il Azərbaycandan qaz tədarükünün artmasını gözləyir – Avrokomissar
Ləman Zeynalova
Ləman Zeynalova
Bütün xəbərlər

Bakı. Trend:

Avropa İttifaqı (Aİ) bu il Azərbaycandan qaz tədarükünün artmasını gözləyir.

Trend-in məlumatına görə, bunu enerji məsələləri üzrə Avropa komissarı Kadri Simson Aİ Nazirlər Şurasının enerji məsələləri ilə bağlı fövqəladə iclasının yekununda mətbuat konfransı zamanı deyib.

O, ötən həftə Avropa Komissiyasının prezidenti Ursula fon der Lyayenlə birgə Azərbaycana səfərini xatırladıb.

"Biz Azərbaycanda 2027-ci ilədək Aİ-yə qaz tədarükü həcminin iki dəfədən çox artırılması barədə razılıq əldə etdik. Artıq bu il tədarükün 4 milyard kubmetr artmasını gözləyirik", - deyə o bildirib.

Avrokomissar əlavə edib ki, Aİ-nin hazırda ABŞ, Kanada, Norveç, Misir və İsraillə qüvvədə olan sazişləri, Qətər və Əlcəzairlə uzunmüddətli tərəfdaşlığı var.

"Bundan başqa, biz Nigeriyadan mayeləşdirilmiş təbii qaz idxalının artırılması imkanını nəzərdən keçiririk", - K.Simson deyib.

(Tərcümə: Orxan Nəbiyev)

Məqalədə:
Xəbər lenti

Xəbər lenti