Milli Məclis Azərbaycan Dövlət Neft Fondunun (ARDNF) büdcə laüyihəsini təçsdiqləyib. Trend in məlumatına görə , bu barədə ARDNF-nun oktyabrın 27-də yayımlanan press-relizində bildirilir.
Məlumatda bildirilir ki, 2006-cı il büdcəsinə görə Fondun gəlirləri 807,7 miln denominasiya olunmuş manatdır (bütün göstəricilər 1 AYM = 5000 AzM nisbətinə görə yeni donominasiya olunmuş manatla göstərilir). Strukturda gəlirli neftin satışından gələn gəlirlərin 684 miln manat, Azərbaycan ərazisindən Bakı-Supsa ixrac boru kəmərinə vurulan neftə görə tranzitin ödənməsi 13,5 miln manat, bonus ödəmələri 67,5 miln manat olacağı gözlənilir. Bununla yanaşı, Fondun vəsaitlərinin idarə olunmasından gələn gəlirlər 35,3 miln manat həcmində, "digər gəlirlər və daxilolmalar " - 0,1 miln manat həcmində nəzərdə tutulub.
Bütünlükdə fondun xərcləri 2006-cı ildə 950,3 miln manat, dövlət büdcəsinə transfertlər 585 miln manat həcmində olacağı ehtimal edilir. Bununla yanaşı, qaçqınların və məcburi köçkünlərin başqa yerlərdə yerləşdirilməsi və onların sosial vəziyyətinin yaxşılaşması məqsədilə fonddan 110,3 miln manat, H.Əliyev adına Bakı-Tbilisi-Ceyhan neft kəmərinin Azərbaycan hissəsinin payının maliyyələşdirilməsinə 38 miln manat, Bakıdan Oğuz-Qəbələ zonasına su kəmərinin çəkilişinə 90 miln manat, Samur-Abşeron suvarma sisteminin bərpası layihəsinin maliyyələşdirilməsinə 37 miln manat, Dövlət İnvestisiya Şirkətinin Nizamnamə kapitalının formalaşması üçün 90 miln manat ayıracağı ehtimal edilir.