8 illik fasilədən sonra "Azərboru" (Sumqayıt boruyayma zavodu) səhmdar cəmiyyəti (SC) neft sənayesi üçün boru istehsalını bərpa edib. Bu barədə Trend ə Sumqayıt şəhər İcra Hakimiyyəti başçısının müavini Akif Zeynalov məlumat verib. Onun sözlərinə görə, xarici bazara neft borularının tədarükü haqqında birinci müqavilə "Sibneft" şirkəti ilə bağlanıb.
Rusiyaya ilkin boru tədarükünün həcmi 1000 ton təşkil etmişdi və hazırda həm də digər şirkətlər üçün də tədarükün həcminin genişləndirilməsi istiqamətində danışıqlar aparılır. Bundan başqa, "Azərboru" Qazaxıstan şirkəti ilə də 2 min ton həcmində boru tədarükü haqqında müqavilə bağlayıb.
"Azərboru" 2006-cı ildə respublikada qaz təsərrüfatı sisteminin bərpası məqsədilə 15 min ton qaz borusunun istehsalını planlaşdırır.
