Bu il Azərbaycan Dövlət Neft Şirkəti ARDNŞ-in sərbəst işlədiyi "Günəşli"nin dayazsulu hissəsindən aşağı təzyiqli qazın məsələsini həll etmək niyyətindədir. Bu barədə Trend ə ARDNŞ-in vitse-prezidenti Xoşbəxt Yusifzadə bildirib.
Onun sözlərinə görə, hazırda qazın toplanması, onun təzyiqinin artırılması və saşilə nəql olunması üzrə layihə işləri aparılır. Ehtimallara görə, ARDNŞ "Günəşli-4" platformasının sərbəst hissəsində qazın tam sıxılması üçün qaz-kompressor stansiyası quraşdırılır.
Hazırda Dünya Bankının ekspertləri "Günəşli"də aşağı təzyiqli qazın toplanması üzrə proqram üzərində çalışırlar. Bu proqram DB-nın $481,250 min məbləğində qrantı ilə həyata keçirilir. Bu layihənin reallaşdırılması üçün vəsait Yaponiya hökuməti tərəfindən ayrılıb.
DB ilə razılaşma çərçivəsində qazın atmosferə tullantısının qarşısını almaq üçün istifadə olunması üzrə proqram hazırlanıb. Proqram üzrə "Günəşli-4" platformasının azad hissəsində qaz-kompressor stansiyasının tikiləcəyi ehtimal edilir. Bu stansiya aşağı tərkibli qazın təzyiqini artırmağa və onun sahilə nəql olunmasına imkan verəcək. "Günəşdi"də qaz-kompressor stansiyasının tikintisi 2010-cu ilə qədər bu yataqdan ildə 4,9 mlrd. kubmetr qaz hasil etməyə imkan verəcək.
Bu gün dayazsulu "Günəşli"dən sutka ərzində 1,6 mln. kubmetr və "Çıraq"dan 800 min kubmetrə yaxın sərbəst qaz atmosferə tullanır.