BP Azerbaijan şirkəti "Qərbi Azəri" platformasında ilk quyunu qazmağa başlayıb. Bu barədə Trend ə şirkətdən məlumat verilib. Platformadakı ilk quyuda qazıntı işləri qrafikə görə, mayın sonlarında başa çatmalıdır. Bu il "Qərbi Azəri"də 4 hasilat quyusunu qazmaq planlaşdırılıb.
Apreldə yataqdakı 4 qabaqlayıcı quyunun platforma ilə birləşdirilməsi başa çatacaq.
Bu ilin 3 ayı ərzində BP- nin platformasından orta sutkalıq hasilatı "Çıraq" "Mərkəzi Azəri" və "Qərbi Azəri"dən 384 min barel təşkil edib. Bütün 2006-cı il ərzində orta sutkalıq hasilat 439 min barel təşkil etməlidir. Bu zaman "Çıraq"da neft hasilatı 138 min barel, "Mərkəzi Azəri" 226 min barel və "Qərbi Azəri"də isə 75 min barel təşkil etməlidir.
