Topaz Energy yaxın bir neçə il ərzində Xəzər regionunda neft-qaz əməliyyatlarına dəstək məqsədilə yeni dəniz gəmilərinin inşasına sərmayə qoymağı planlaşdırır. Trend in xəbər verdiyi kimi, Topaz Energy şirkətinin rəhbəri Samir Fansi Direktorlar Şurası üzvlərindən və menecerlərdən ibarət nümayəndə heyətinə rəhbərlik edib. Nümayəndə heyəti Bakıda Azərbaycan Dövlət Neft Şirkəti rəhbərliyi ilə danışıqlar aparıb.
Görüşdə əsas məqsəd Xəzər regionuna sərmayə yatırmaq üçün qarşılıqlı maraq və imkanları müəyyən etməkdən ibarətdir. İnkişaf edən dəniz neft-qaz bazarına dəstək üçün Topaz yeni dəstək gəmilərinin inşasına böyük həcmdə sərmayə qoymağı planlaşdırır. Bütövlükdə, şirkət belə donanmanı genişləndirmək üçün iki il ərzində $100 mln-dan çox vəsait xərcləmək niyyətindədir.
Bu yaxınlarda Topaz Bautinoda (Qazaxıstan) gəmilərin təmiri üçün yeni tərsanənin - dəniz əməliyyatlarına dəstək bazasının açılması barədə elan edib.
Topaz Energy - dəniz injinirinqi sahəsidə liderlik edən Dubay şirkətidir.