"Azərenerji" SC-nin vitse-prezidenti Marlen Əsgərovun rəhbərlik etdiyi nümayəndə heyəti Türkiyədə mazut və qazla işləyən modul elektrik stansiyalarının işi ilə tanış olurlar. Bu elektrik stansiyaları Türkiyədə Finlandiyanın Wartsila şirkəti tərəfindən tikilib. Bu barədə Trend ə SC-in vitse-prezidenti Marlen Əsgərov məlumat verib.
"Azərenerji" nümayəndəsinin sözlərinə görə, mütəxəssislərin səfəri gedişində iki tipdən olan stansiya - qaz və mazutla, eləcə də təkcə mazutla işləyən stansiya təqdim olunub. Elektrik stansiyalarının gücü 17,5 MVt-dur. M.Əsgərovun sözlərinə görə, iki növ yanacaq tələb edən elektrik stansiyaları texniki baxımdan Azərbaycanı təmin etmir. Bu, onların bir yanacaq növündən digərinə uzun müddətə - 72 saata yaxın vaxt ərzində keçməsi, eləcə də böyük miqdarda yağ tələb etməsi ilə bağlı böyük istismar mürəkkəblikləri ilə izah olunur. Mazutla işləyən elektrik stansiyaları Azərbaycan mütəxəssislərini maraqlanıdırıb.
Tanışlıq Səngəçal qəsəbəsində yeni elektrik stansiyasının tikintisi layihəsinin reallaşdırılması üçün müxtəlif şirkətlərin texniki imkanlarını nəzərdən keçirmək məqsədilə aparılır. M.Əsgərovun sözlərinə görə, variantlardan biri seçilən kimi tikinti barədə qərar qəbul ediləcək.
Hazırda gücü 300 MVt-a qədər olan elektrik stansiyasının tikintisi imkanları nəzərdən keçirilir. Bu, hazırda Azərbaycanın rayonlarında Wartsila-nın quraşdırdığından böyük gücə malik modul elektrik stansiyası ola bilər.
"Azərenerji" elektrik enerjisinin istehsalında təkcə bir yanacaq növündən asılı olmaq istəmir. Ona görə də hazırda həm mazut, həm də qazla işləyən elektrik stansiyalarının tikintisi planlaşdırılır.