"Azəri-Çıraq-Günəşli" yatağının işlənmə layihəsi çərçivəsində "Azəri" yatağının şərq hissəsində quraşdırılacaq platformanın üst tikililəri STB-1 nəqliyyat barjasına yüklənib və yaxın vaxtlarda dənizdə quraşdırılmaq üçün göndəriləcək. Trend in xəbər verdiyi kimi, bu barədə ARDNŞ-dən xəbər veriblər. Bunun üçün əlverişli hava şəraitinin olması gözlənilir.
Bu tikilinin çəkisi 18 min tondur. O, qazıntı və hasilat üçün nəzərlə tutulub. Platforma həmçinin yaşayış blokları ilə təchiz edilib. Platformanın bu hissəsi "AÇG" layihəsinin operatoru olan BP şirkətinin podratçısı McDermott şirkəti tərəfindən tikilib.
Bu platformanın dayaq bloku artıq dənizdədir. O, bu ilin birinci rübündə dənizə göndərilib.
