ARDNŞ 2015-ci ilədək Azərbaycanın yanacaq-energetika kompleksinin inkişafı üzrə dövlət proqramında göstərilmiş dəniz yataqlarında işlərin həyata keçirilməsi üçün xarici servis şirkətlərini cəlb edə bilər. Trend in xəbər verdiyi kimi, bu barədə ARDNŞ-dən məlumat verilib.
Proqrama əsasən, 2008-ci ildə "Ümid" və "Babək" perspektiv strukturlarında kəşfiyyat-axtarış işləri bərpa olunmalıdır. Bu yataqlar dənizin dərin hissəsində yerləşir".
Proqrama görə, 2006-2008-ci illərdə kəşfiyyat işlərinin başa çatdırılması o cümlədən "Əşrəfli" və "Qarabağ" yataqlarının sənaye cəhətdən işlənməyə hazırlanması nəzərdə tutulur. 2008-ci ildən başlarayaq 2010-cu ilədək hər iki yataq işlənməyə cəlb olunmalıdır.
İlkin qiymətləndirmələrə görə, "Qarabağ" yatağında platformanın qurulması ARDNŞ-ə $80 mln-a başa gələcək. Təxminən $100 mln isə qazma üçün lazımdır. Bu yataqda ehtiyatların həcmi ilkin olaraq ən azı 10 mln ton neft və 6 mlrd kub metr qaz həcmində qiymətləndirilib. ARDNŞ-dən hesab olunur ki, neftin hazırkı qiymətlərində bu xərclər xeyli və kifayət qədər tez çıxarılacaq. Platforma suyun 180 m dərinliyində qurulacaq.
