Milli qaz nəqliyyatı sistemində "Şahdəniz" yatağından hasil olunan qazı qəbul etmək üçün uzunluğu 47 km olan 12 düymlük yüksək təzyiqli Səngəçal-Hacıqabul qaz kəmərinin inşası gələn ilin birinci kvartalında başa çatacaq. Trend in xəbər verdiyi kimi, bunu Azərbaycan Dövlət Neft Şirkətinin (ARDNŞ) prezidenti Rövnəq Abdullayev bildirib.
Bu boru kəmərinin inşasını ARDNŞ sifariş verib. Maliyyələşmə ilə isə "Azəriqaz" QSC məşğuldur. Yüksək təzyiqli qaz kəmərinin inşa dəyəri $45 mln. məbləğində qiymətləndirilir.
Hal-hazırda "Azəriqaz" "Şahdəniz" yatağından qazın qəbulunun texniki məsələlərini həll edir. Lazım olarsa, Azərbaycan öz həcmindən başqa Türkiyə tərəfinin həcmini də qəbul etməyə hazırdır, əgər o, tədarükə başlanan zaman "Şahdəniz"dən qazı qəbul etməyə hazır olmasa.
