ARDNŞ hazırda ləğv edilmiş Muradhanli operating company (MOC) tərəfindən quruda yerləşən "Muradxanlı" yatağında bir neçə il bundan əvvəl qazılmış quyuda qazma işlərini bərpa etmək niyyətindədir. Bu barədə Trend ə ARDNŞ-dən məlumat verilib. MOC əməliyyat şirkətinin iştirakçıları Britaniyanın Ramco şirkəti və ARDNŞ olub. Mənbənin sözlərinə görə, bu quyuda yan lülələrin qazılması və sapdırma ilə qazma işlərinin həyata keçirilməsi nəzərdə tutulur. Bundan başqa, "Muradxanlı" ilə yanaşı yerləşən "Cəfərli" yatağında da qazma işlərinin aparılması planlaşdırılır.
ARDNŞ "Ələt-dəniz" yatağında kəşfiyyat quyusu qazacaq. Şirkətdən bildirilib ki, yatağın böyük hissəsi 5 metrdən az dərinliyə malik dayazlıqda yerləşir.
"ARDNŞ-də bu hissə ilə bağlı məlumat yoxdur. Bir mail quyunun qazılması planlaşdırılır. Karbohidrogen ehtiyatları aşkar edilərsə, damba və estakadalardan istifadə etməklə onların hasilatı ilə bağlı məsələ nəzərdən keçirilə bilər", - deyə mənbə bildirib.
