Azərbaycan Dövlət Neft Şirkəti 2008-ci ildən 2018-ci ilədək dənizdə yerləşən "Günəşli" yatağının dayazsulu hissəsindən 37,4 mln. ton neft hasil etməyi planlaşdırır. Bu barədə Trend ə sahəni müstəqil işləyən ARDNŞ-dən məlumat verilib. 2019-cu ildən 2035-ci ilədək yataqdan 9,4 mln. ton neft hasil ediləcək.
Beləliklə, 2018-ci ilədək bu iri yataqda orta illik neft hasilatı 3,74 mln. ton (və ya sutkada 75,8 min barel), 2019-35-ci illər ərzində isə ildə 587,5 min ton (və ya sutkada 12 min barel) təşkil edəcək.
"Günəşli" yatağının dayaz hissəsi 1980-ci ildən işlənir. Yataq ARDNŞ-in bütün neft hasilatının 65%-ə qədərini təşkil edir.
Yataq Azərbaycan Beynəlxalq Əməliyyat Şirkətinin işlədiyi dərinsulu hissə ilə yanaşı yerləşən ümumi sahəyə daxildir.
