2006-cı ilin yanvar-oktyabr aylarında Xəzər dəniz boru kəməri konsorsiumunun (CPC) səhmdarları 2005-ci ilin analoji dövründə 25,073 mln. tonla müqayisədə "Yujnaya Ozereyka-2" terminalında 25,638 mln. ton CPC Blend növlü neft yükləyiblər. Bu barədə Trend ə XBK-nin mətbuat xidmətindən məlumat verilib.
2006-cı ilin oktyabr ayında 2,551 mln. ton, 2006-cı ilin sentyabr ayında 2,379 mln. ton, 2005-ci ilin oktyabr ayında isə 2,511 mln. ton yüklənib.
CPC səhmdarları 2004-cü ildə 22,507 mln. tonla müqayisədə 2005-ci ildə 30,502 mln. ton CPC Blend ixrac növü yükləyiblər. Ötən il neftin CPC Blend növünün orta aylıq yüklənməsi 2,541 mln. ton, 2004-cü ildə isə bu göstərici 1,875 mln. ton təşkil edib.
Terminalda nəql və yüklənməni həyata keçirən CPC yük göndərənləri aşağıdakılardır (qoşulma ardıcıllığı ilə): "Tengizşevroyl" - bağlanmış müqavilələrdən birincisi - tədarük edilən həcmlər sistemin gücünün əsas yükünü təmin edir. "Arman" - Oryx Caspian Pipeline LLC - CPC səhmdarının yük göndərəni. Hazırda Shell-in mülkiyyətindədir. "Embamunayqaz" və "Kazaxoyl-Aktobe" - Kazakstan Pipeline Ientures LLC - XBK səhmdarının yükgöndərəni. "CNPC-Aktobemunayqaz"- Qazaxıstan Hökümətinin çıxış hüquqlarından istifadə edərək, terminalda yüklərin nəqli və yüklənməsini həyata keçirir. "Litasko"- LUKARKO B.V. şirkətinin - CPC səhmdarının yükgöndərəni. "Karaçaqanak Petroleum Opereytinq B.V." - "Tenqizşefroyl"-dan sonra nəql edilən neft həcmləri üzrə ikinci yük göndərən - XBK -nın bir sıra səhmdarları ilə qruplaşdırılıb. "NaftaTrans" QSC və onunla birgə qruplaşdırılmış şirkətlərə Rusiya Federasiyasının çıxış hüquqlarına müvafiq olaraq, XBK-ya Rusiya istehsalçılarının neftini tədarük etmək həvalə olunub.
