ARDNŞ-dan Trend ə verilən məlumatda deyilir ki, 2007-ci ildə Azərbaycana qaz idxalı ilə bağlı məsələnin həll edilməməsi dekabrın ortalarında keçirilməsi nəzərdə tutulan tenderə təqdim olunmalı neft məhsullarının həcminin müəyyən edilməsində ARDNŞ-a maneələr yaradır.
ARDNŞ-dan bildiriblər ki, "Əsas problem idxal olunacaq qazın əvəzinə elektrik enerjisi istehsalı üçün elektrik stansiyalarında lazım olan mazutun həcminin müəyyən olunmamasıdır. Qaz idxalı ilə bğalı məsələnin həll olunmaması respublika üçün və tenderə çıxarılacaq mazutun həcminin müəyyən edilməsinə imkan vermir".
Rusiyadan idxal edilən qaz elektrik enerjisi istehsalı üçün elektrik stansiyalarına göndərilir.
ARDNŞ dekabrın ortalarında İrana və Gürcüstana dizel yanacağı, benzin, eləcə də mazut satışı ilə bağlı tender elan etməyi planlaşdırır.
2006-cı ildə ümumilikdə Sinqapurun Petrofarm şirkətinə Heydər Əliyev adına NİZ (keçmiş Azneftyanacaq) və Azərneftyağ tərəfindən 500 min ton mazut satılıb. Petrofarm şirkəti ARDNŞ-dan M-40 markalı 200 min ton mazut alıb və M-100 markalı 300 min ton mazut isə Heydər Əliyev adına NİZ-dən ixrac ediləcək.
ARDNŞ-ın 2006-cı ildə 50 min ton avtomobil benzini tədarük etmək barədə Petrofarm-la müqaviləsi var. Neft məhsulu Azərneftyağ NİZ balansında yerləşən (ARDNŞ-ın tərkibinə daxildir) N20 məntəqəsindən FOB bazisi ilə yüklənir. Petrofarm şirkəti KASPAR-ın tankerləri ilə benzini İran limanı Nekaya çatdırır.
ARDNŞ-ın həmçinin "Saknaftobtrans" gürcü şirkəti ilə 2006-cı ilə benzin ixracı barədə müqaviləsi var. Bu müqaviləyə əsasən, hər ay 20 min ton benzin satışı nəzərdə tutulur.