...

Azərbaycan Dövlət Neft Şirkəti öz yataqlarında tədqiqat işlərinə hazırlaşır

Energetika Materials 25 Dekabr 2006 15:35 (UTC +04:00)

Azərbaycan Dövlət Neft Şirkəti (ARDNŞ) gələn ilin birinci rübündə "Babək" və "Ümid" perspektiv dəniz strukturlarında üçölçülü (3D) seysmik kəşfiyyat aparmaq niyyətindədir. Bu barədə Trend ə ARDNŞ-dən məlumat verilib.

Bu strukturlarda qazma proqramları artıq hazırdır. Seysmik tədqiqatların ARDNŞ-in Geofizika və geologiya idarəsinin balansında olun gəmilərdən birindən həyata keçiriləcəyi nəzərdə tutulub. Bu strukturda "Geofizik -1", "Geofizik-2", "Geofizik-3" və "Bakı" gəmisi var. Onlar indi müasirləşdirilir və avadanlıq alınır.

ARDNŞ-dən əvvəl bildirildiyi kimi, Amerikanın ConocoPhillips şirkəti ilə bağlanmış memorandumun fəaliyyət müddəti bitənədək, Dövlət Neft Şirkəti bu perspektiv strukturda işlərə başlaya bilməz.

"Lakin biz 2007-ci ilin birinci rübündə kəşfiyyat qazıntısının başlanması məsələsini müzakirə edirik", - deyə ARDNŞ-dən bildirilib.

2005-2015-ci illərdə Azərbaycanın yanacaq-energetika kompleksinin inkişaf proqramına əsasən, 2008-ci ildə "Ümid" və "Babək" perspektiv strukturlarında axtarış-kəşfiyyat işləri bərpa olunmalıdır. Bu yataqlar dənizin dərin hissəsində yerləşir.

Geotexnika qazma qurğusunun qazıntı nöqtəsində quraşdırılması üçün həyata keçiriləcək. Yəqin ki, ARDNŞ-in sifarişi ilə quyuların qazıntısına "H.Əliyev adına" qurğu cəlb olunacaq.

Proqram üzrə 2006-2008-ci illərdə həmçinin kəşfiyyatı başa çatdırmaq və "Əşrəfi" və "Qarabağ" yataqlarını sənaye işlənməsinə hazırlamaq nəzərdə tutulub. 2008-ci ildən 2010-cu ilə qədər hər iki yataq işlənməyə cəlb olunmalıdır.

Xəbər lenti

Xəbər lenti