2006-cı ilin yanvar-noyabrında Azərbaycan quruda və sudakı yataqlarda əməlliyyat üçün 151,77 min ton müxtəlif metal borular idxal edib ki, bu 2005-ci ilin yanvar-noyabrından 21,5% çoxdur. Ölkəninin dövlət statistika komitəsindən Trend ə verilən məlumata görə, göstərilən müddət ərzində 194,13 mln. dollar məbləğində boru idxal olunub ki, bu 2005-ci ilin analoji dövrü ilə müqayisədə 31,2% çoxdur.
Azərbaycanda neft-qaz əməliyyatları ilə ARDNŞ,müqavilə əsasında PSA tipli xarici şirkətlər və xarici kapitalın iştirakı ilə ARDNŞ BM məşğul olur. Dövlət Statistika Komitəsində bildiriblər ki, 2006-cı ilin yanvar-noyabrında neft-qaz kəməri üçün boru idxalının payı 52,406 min tondur ki, bu da 2005-ci ilin analoji periodu ilə müqayisədə 14,3% azdır.
Bu ilin yanvar-noyabrında neft-qaz kəməri borularının idxalı 86,67 mln. dollar təşkil edib ki, bu da 2005-ci ilin yanvar-noyabrından 33,7% çoxdur.
Dövlət Statistika Komitəsindən həmçinin bildiriblər ki, 2006-cı ilin yanvar-noyabrı ərzində 24,82 min ton qazma boruları alınıb ki, bu da 2005-ci ilin analoji dövrü ilə müqayisədə 22,6% azdır. Bu məhsulun idxalının ümumi dəyəri 39,2 mln. dollar təşkil edib ki, bu, 2005-ci ildən 22,1% azdır.