"Azərenerji" SC Finlyandiyanın Wartsila şirkəti ilə Səngəçalda birgə modul elektrik stansiyasının tikintisi layihəsinin texniki tərəfi üzrə məsləhətləşmələrə başlayıblar. O cümlədən modulların, elektrik stansiyası və başqa avadanlıqların yerləşməsi məsələsi müzakirə olunub. Bu barədə cümə axşamı Trend ə səhmdar cəmiyyətin vitse-prezidenti Marlen Əsgərov məlumat verib.
Əvvəl "Azərenerji" və Finlyandiyanın Wartsila şirkəti Səngəçalda 300 MVt gücündə yeni modul elektrik stansiyasının tikintisi üzrə müqavilə imzalayıb. Tikinti işlərində həmçinin ABB İsveç-İsveçrə şirkəti də iştirak edəcək. Tikintinin 2008-ci ilin sentyabr ayında tamamlanacağı nəzərdə tutulub.
Finlyandiyanın Wartsila şirkəti Səngəçaldakı modul elektrik stansiyasının qazdan mazuta və əksinə keçirilməsi üzrə yeni texnologiya təklif edib ki, bu, həmin prosesi xeyli sürətləndirəcək. Əvvəl şirkət başqa rejimə keçmək üçün 24 saat təklif edirdi. Hazırda o, yarım saata qədər endirilib.
Səngəçal rayonunda yeni enerji generasiya edən istehsalat obyektlərinin tikintisi Abşeron yarımadasının elektrik enerjisi ilə keyfiyyətli və fasiləsiz təmin olunması üçün zəruridir. Sumqayıtda və "Şimal" elektrik stansiyasında yeni buxar-qaz qurğularının tikilməsinə baxmayaraq, problemlər qala bilər. Bu onunla izah olunur ki, paylayıcı şəbəkələrin resursları tükənib. Onların bəziləri 25 ildən artıq işləyir. Elə şəbəkələr var ki, onların artıq təxminən 60 yaşı var. Bu elektrik stansiyası iki yanacaq növü ilə işləyəcək - qaz və mazut.
2005-ci ildə "Azərenerji" bu şirkətə ümumi gücü 450 MVt olan beş modul elektrik stansiyası sifariş verib. Beşindən ikisi (Astara və Şəki rayonlarında) artıq istismara verilib. Qalan üçü ilin sonunadək tamamlanacaq. 2005-ci ildə Wartsila dünya üzrə 1607 MVt gücündə elektrik stansiyaları quraşdırıb. Onların dəyəri 710 mln. avrodan çoxdur.
