Azərbacan, Bakı / Trend müxbir S.Əliyev/ Azərbaycan Dövlət Neft Şirkətinin neft və qazın çıxarılması üzrə "Azneft" istehsalat birliyi Azərbaycanın Siyəzən rayonunun "Zeyvə-Zağlı" yatağında işləri genişləndirmək ikrindədr. Bu haqda ARDNŞ-dən xəbər veriblər. Bu il yataqda 20-yə yaxın quyu qazılması nəzərdə tutulub. Hazırda yataqda neft ehtiyatlarının dəqiqləşdirilməsi şləri gedir.
Yataqda artıq bir neçə quyu qazılmışdır. İlkin qiymətləndirilməyə görə, yataqdan çıxarılan ehtiyatlar 3-3,5 milyon ton təşkil edir.
"Yataqda eyni zamanda üç-dörd quyu qazılacaqdır. Bura həm kəşfiyyat, həm də qiymətləndirici quyular daxildir", - ARDNŞ-də deyiblər.
"Zeyvə-Zağlı"da Azərbaycanın ən mürəkkəb kollektorlarından biri yerləşir ki, oradan hər il neftin 9-12%-i çıxarılır.
"Hazırda verilmənin yüksəldilməsi məsələsinə baxılır. Buna daha mükəmməl iş metodu il nail olmaq mümkündür", - ARDNŞ-də qeyd ediblər.