Azərbaycan, Bakı/ Trend / Anshad Petrol birgə müəssisəsi (BM) və Gobustan Operating Company (əməliyat şirkəti) yanvar - aprel aylarında Azərbaycan Dövlət Neft Şirkətinə (ARDNŞ) 11,66 mln. kubmetr müstəqil qaz satıblar ki, bu da 2006-cı ilin müvafiq dövründən 0,4 mln. kubmetr çoxdur. Bu barədə məlumat bazar ertəsi Dövlət Neft Şirkəktindən verilib.
ARDNŞ-in məlumatlarına görə, şirkətlər aprel ayında 2,71 mln. kubmetr qaz satıb. BM ilk dəfə qaz satışına 2004-cü ildə başlayıb. ARDNŞ Anshad Petrol-dan aldığı qazı "Azəriqaz" QSC-yə satır. "Azəriqaz" da qazı öz tərkibinə daxil olan "Aztransqaz" İB vasitəsi ilə paylayır.
Gobustan Operating Company (GOC) ARDNŞ-lə imzalanmış PSA müqaviləsi üzrə "Cənub-Qərbi Qobustan" blokunun işlənməsi ilə məşğuldur. Müstəqil qaz satışına isə bu şirkət cari ilin fevralından başlayıb.
Gobustan Operating Company-də 80 faiz iştirak payı Commonwealth Gobustan Limited, 20% isə ARDNŞ-ə məxsusdur. Commonwealth Gobustan Limited-in 37,17%-i Arawak Energy, 62,83% isə China National Petroleum şirkətlər qrupuna məxsusdur.
Anshad Petrol "Neftçala", "Xıllı" və "Babazənən" müqavilə zonalarındakı quyulardan qaz çıxarır.
Anshad Petrol BM 1993-cü ildə ARDNŞ və Türkiyənin Atilla Dogan Petrol şirkəti arasınada keçmiş "Neftçalaneft" NQÇİ-nin bazasında yaradılıb. 1994-1996-cı illərdə Anshad Petrol BM-in operatoru Atilla Dogan Petrol idi. 1997-ci ildən isə ARDNŞ bu vəzifəni öz öhtəsinə götürüb. 1995-ci ildən Malayziyanın Land and General Berhad şirkəti Atilla Dogan Petrol-dan 17,15% pay almaqla layihənin iştirakçısına çevirilib.
