Azərbaycan,Bakı/ Trend /Yanvar-mart aylarında quru və dəniz yataqlarında əməliyyatların aparılması üçün Azərbaycan 70,6 min ton müxtəlif metal boru idxal edib. Bu göstərici keçən ilin yanvar-mart ayları göstəricisindən 79,9 faiz çoxdur.
Çərşənbə günü ölkənin Dövlət Statistika Komitəsindən verilən məlumata əsasən, göstərilən dövr ərzində 117,3 mln. dollar məbləğində boru idxal olunub. Bu göstərici 2006-cı ilin analoji dövründən təxminən 200 faiz çoxdur. Neft-qaz boruları üçün yanvar-mart aylarında idxal payı 38,6 min ton təşkil edib, bu da 2006-cı ilin analoji dövründən təxminən 500 faiz çoxdur. Yanvar-mart aylarında 69,2 mln. dollar məbləğində neft-qaz boruları idxal olunub, bu da 2006-cı ilin analoji dövründən 10 dəfə çoxdur.
Dövlət Statistika Komitəsindən həmçinin bildirilib ki, yanvar-mart aylarında 5,9 min ton buruq boruları alınıb ki, bu da 2006-cı ilin analoji dövründən 42,4 faiz azdır. Bu məhsul idxalının ümumi dəyəri 13,2 mln. dollar təşkil edib ki, bu da 2006-cı ilin analoji dövründən 29,1 faiz çoxdur.
Azərbaycanda neft-qaz əməliyyatları ilə ADNŞ, PSA müqavilə növü üzrə xarici şirkətlər və xarici kapitalın iştirakı ilə ADNŞ BM məşğul olur.
