Azərbaycan, Bakı /müx. Trend S.Əliyev/ Ukrayna, Polşa, Gürcüstan, Azərbaycan və Litva nümayəndələri iyulun 4-5- də keçirələcək görüşdə Ukrayna-Polşa birgə müəssisəsi olan "Sarmatiya" şirkətinin səhmdarlarının tərkibinin artırılması məsələsini müzakirə etməyi planlaşdırırlar. Ukraynanın "İşgüzar həftə" layihəsinin verdiyi məlumata görə, bu barədə Polşanın neft nəqli müəssisəsi olan PERN Przyjazn şirkətinin mətbuat xidmətindən bildirilib. Mətbuat xidəmətindən bildirililb ki, görüşdə Polşanın PERN, Ukraynanın "Ukrtransneft", Gürcüstanın neft -qaz şirkəti olan GOGC (Georgian Oil and Gas Corporation), Azərbaycanın Dövlət Neft Şirkəti iştirak edəcəklər.
PERN şirkətinin verdiyi məlmata görə, Litva ölkəni görüşdə təmsil edəcək şirkəti hələ müəyyən etməyib.
Mətbuat xidməti görüşdə həmçinin Qazaxıstanın "Kazmunayqaz" neft şirkəti nümayəndələrinin iştirakını istisna etməyib.
Polşa şirkətinin məlumatında deyilir ki, görüşdə tərəflər "Samatriya" şirkətinin nizamnamə kapitalının 3,9 mln. dollardan 4,5 mln. dollara qədər artırılması məsələsini müzakirə edəcəklər. Polşanın neft nəqli inhisarçısının məlumatına görə, görüş Varşavada baş tutacaq.
Mətbuat xidmətindən bildirilib ki, şirkətlərin nümayəndələri həmçinin "Odessa-Brodı" neft kəmərinin 2007-ci ilin sonuna qədər Plotska qədər uzadılması layihəsinin biznes-planını birlikdə işləyib hazırlamaq niyyətindədirlər.
PERN şirkətinin verdiyi məlumata görə, "Sarmatiya" səhmdarların tərkibinin dəyişməsi prosesindən sonra şirkətin adını "Yeni Sarmatiya"ya dəyişməyi planlaşdırır.
May ayında Polşanın Krakov şəhərində keçirilən sammitdə Ukrayna, Polşa, Azərbaycan, Gürcüstan, Litva prezidentləri və Qazaxıstan prezidentinin xüsusi nümayəndəsi Xəzər dənizi neftinin Avropa bazarına nəqli layihəsinin inkişafı məqsədilə hökumətlərarası işçi qrupun yaradılması məsələsini ilə bağlı razılığa gəliblər.
İyun ayında Qdanskda hökumətlərarası qrupunun yığıncağı zamanı iştirakçı dövlətlər razılığa gəliblər ki, layihədə iştirakla məşğul olacaq yeni struktur iştirakçıların tərkibinin genişləndirilməsi yolu ilə "Sarmatiya" şirkətinin bazasında yaradılacaq.
"Sarmatiya"2004-cü il iyulun 12-də "Uktransneft" və Polşanın PERN şirkəti tərəfindən "Odessa- Bordı" neft kəmərinin Poşanın Plotsk şəhərinə qədər uzadılması və layihə üçün investisiyanın cəlb edilməsi məqsədilə yaradılıb.
