Azərbaycan, Bakı/ Trend / Hazırda Azərbaycan Dövlət Neft Şirkətinin Xəzər Dəniz Neft Donanmasının balansında olan 256 gəminin 189-u istismar olunur. Bu barədə cümə günü ARDNŞ-dən məlumat veriblər.
Birinci yarımildə Registr sənədi alınmış 46 gəmi təmir olunub. Təmir işlərinə 9 mln. 628 min 977,53 manat sərf olunub. Hazırda 8 gəmidə təmir işləri gedir.
Xəzər Dəniz Neft Donanması "Şah dəniz" yatağına göndəriləcək "Əli Əmirov" geoloji kəşfiyyat gəmisində təmir işlərini başa çatdırır. Gəmi 150 metr dərinlikdə dalğıc kompleksini sınaqdan keçirəcək.