Azərbaycan, Bakı / Trend , müxbir, U.İsmaylova/ Azərbaycanda kimya məhsullarının ən iri istehsalçısı "Azərkimya" dövlət şirkəti Sumqayıtdakı "Sintezkauçuk" zavodu üçün KPQ markalı 1,5 tonluq katalizatorların alınması üçün tender elan edib. Bu barədə məlumat rəsmi mətbuatda yer alıb.
"Sintezkauçuk" zavodu "Azərkimya"nın tərkibinə daxildir. Tenderdə iştirak dəyəri 200 manatdır.
Namizədlər sənədləri (son illərə dair maliyyə göstəricisi haqqında sənəd, namizədin potensial imkanını təsdiq edən sənəd) sentyabrın 20-nə qədər təqdim etməlidirlər.
Tender sentyabrın 21-i saat 11.00-da keçiriləcək.