...

2023-cü il Paşa Bank üçün rekord oldu

Maliyyə Materials 29 May 2024 15:24 (UTC +04:00)
2023-cü il Paşa Bank üçün rekord oldu
Kamran Qasımov
Kamran Qasımov
Bütün xəbərlər

Bakı. Trend:

2023-cü il Paşa Bank üçün rekord oldu.

Trend xəbər verir ki, bu barədə "PAŞA Bank"ın baş icraçı direktoru və İdarə Heyətinin sədri Cavid Quliyev 2023-cü il üzrə fəaliyyətin yekunlarına həsr olunmuş mətbuat konfransında deyib.

"2023-cü il Paşa Bank üçün rekord oldu. Göstəricilər arasında ilin yekunları üzrə kredit portfelinin, gəlir və mənfəətin rekord göstəriciləri xüsusən nəzərə çarpır", - o deyib.

Onun sözlərinə görə, 2021-2023-cü illər ərzində bir sıra əsas göstəricilərdə mühüm artım nümayiş olunub.

"Aktivlər 56,3 faiz, kredit portfeli 46,5 faiz, kiçik və orta sahibkarlığın (KOS) kreditləşdirilməsi portfeli 102,2 faiz, müştəri hesabları 76,3 faiz, məcmu kapital 104,4 faiz, mənfəət 83,7 faiz, komissiya və yığımlardan gəlirlər isə 78,1 faiz artıb. Əlavə olaraq, bank aşağıdakı nəticələrə nail olub: KOS seqmenti rəqəmsal modellər vasitəsilə 298 milyon manat emissiya edib, Rəqəmsal Faktorinq Platforması çərçivəsində müştərilərə 13,8 milyon manat kredit verilib, subordinasiya edilmiş borclar formasında 50,8 milyon ABŞ dolları cəlb edilib, kibertəhlükəsizliyə qoyulan investisiyaların ümumi həcmi 6,5 milyon manat olub", - o deyib.

Qeyd edək ki, Paşa Bank korporativ bank sektorunda öz mövqelərini möhkəmləndirməyə və aparıcı banklarla əməkdaşlığı genişləndirməyə, o cümlədən Amerika banklarının müxbir hesabları ilə birbaşa əlaqələr qurmağa davam edir.

Qeyd edək ki, 2023-cü ilin yekunlarına görə, PAŞA Bankın aktivləri 8,622 milyard manat (2,2 faiz artım), kredit portfeli 2,958 milyard manat (4,7 faiz artım), öhdəlikləri 7,809 milyard manat (35,7 faiz artım), xalis mənfəəti isə 271,551 milyon manat (3,18 dəfə artım) olub.

(Tərcümə: Rəna Əbdürəhmanova)

Xəbərlərimizi "WhatsApp" kanalımızdan oxuyun

Xəbər lenti

Xəbər lenti