Azərbaycan, Bakı, 21 fevral/ " müxbir İ.Xəlilova/ AZERİN MMC rabitə BM-də özəl təsisçi Türkiyənin Akpinar Holding şirkəti öz payını satıb. Ona 48 faiz səhm məxsus olub. Bu barədə cümə axşamı ölkə hökumətindən məlumat veriblər. Bu payın yarısını (24 faiz) Rusiyanın ADA Group şirkəti, qalan hissəsini isə, Azərbaycandan olan fiziki şəxs alıb.
BM-in nəzarət səhm paketi Rabitə və İnformasiya Texnologiyaları Nazirliyinə məxsusdur.
AZERİN 1998-ci il martın 6-da Azərbaycan ərazisində qlobal İnternet şəbəkəsinə çıxış xidmətlərinin təqdim edilməsi və məlumatların ötürülmə şəbəkəsinin təşkil edilməsi məqsədilə yaradılıb. Qısa müddət ərzində şirkət ölkənin telekommunikasiya bazarında aparıcı yerlərdən birini tutub. Bu gün ölkədə bu sahədə ixtisaslaşan 30-a yaxın şirkət fəaliyyət göstərir. AZERİN-in Baş direktoru Qalib Qurbanov ölkənin əksər İnternet-provayderlərini birləşdirən Azərbaycanın İnternet Cəmiyyətinin sədridir. AZERİN-in yeni təsisçisi - Rusiyanın ADA Group şirkəti Avstriya nişanı altında çıxış edir və Azərbaycanda orta təbəqə üçün 50 supermarketdən ibarət güclü şəbəkəni genişləndirir. O, Azərbaycanda birinci yerli pərakəndə satış mağazaları şəbəkəsi Almalı-nı ADA Group və Beynəlxalq Maliyyə Korporasiyası arasında imzalanan saziş əsasında maliyyələşdirir. BMK-nın investisiyaları $18 mln. təşkil edir və $12 mln. kredit, həmçinin, $6 mln. səhmdar kapitalı payından ibarətdir. Bu, BMK-nın Azərbaycanın qeyri-neft sektorunda ən iri layihəsidir.
Məqalə müəllifinin ünvanı: [email protected]