Azərbaycan, Bakı, 22 may / Trend /Azərbaycanın Rabitə və İnformasiya Texnologiyaları Nazirliyi və "İBM" şirkəti ""Linux" əməliyyat sistemində "Lotus" məhsullarının instalyasiyası və quraşdırılması" mövzusunda seminar təşkil edəcək. Dövlət idarəsindən verilən məlumata görə, mayın 29-30-da nəzərdə tutulan seminar dövlət müəssisələrinin "İT" mütəxəssisləri üçün nəzərdə tutulub.
Martda Bakıda elektron hökumət üçün "İBM" qərarlarına həsr olunmuş seminar keçirilib. Sözügedən seminarda "Lotus" məhsulları da təqdim olunub. Seminarda dövlət orqanlarında elektron sənəd dövriyyəsi, elektron hökumət portalı, dövlət xidmətlərinin interaktiv reyestrı, elektron hökumət layihələri üçün standartlar kimi məsələlər müzakirə olunub.
