Azərbaycan, Bakı, 09 oktyabr/ Trend / Azərbaycanın mobil rabitə operatoru Azercell Telecom Yəmən Respublikasının Spacetel və Qətərin Q -Tel mobil rabitə şirkətləri ilə Beynəlxalq MMS xidmətini istifadəyə verib
їAbonentlərinə məsafə fərqini hiss etdirməmək üçün Azercell Telekom 2007- ci ilin aprelində Azərbaycanda ilk dəfə olaraq beynəlxalq MMS rouminq xidmətini istifadəyə veribї, - şirkətin məlumatında bildirilir.
Azercell Telekom 32 mobil şəbəkə operatoru ilə 29 ölkədə MMS xidmətinə qoşulub.
Operator indiyədək 63 ölkənin 130 operatoru ilə GPRS/MMS müqaviləsi imzalayıb.
Beynəlxalq MMS rouminq xidməti GPRS/MMS rouminq xidmətindən imkanlarına görə fərqlənir. Belə ki, indiyədək istifadədə olan GPRS/MMS rouminq xidməti vasitəsilə xarici ölkədə olan abonentin yalnız digər Azercell abonentləri ilə MMS mübadiləsi aparmaq və GPRS - dən istifadə etmək imkanı vardı. Adıçəkilən xidmət isə, Azercell abonentlərinə yalnız şəbəkə daxilində deyil, həm də müqavilə imzaladığı operatorun abonentləri ilə MMS mübadiləsi aparmağa imkan verir.