Azərbaycan, Bakı, 11 noyabr/ Trend , müxbir S.Babayeva/ Azərbaycanın "Xalq kompüteri" layihəsinin realizəsi 2009-cu ildə başlayacaq, - ölkənin rabitə və informasiya texnologiyaları naziri Əli Abbasov çərşənbə axşamı məlumat verib.
"Layihə artıq hazırdır. İntel və Microsoft onun realizəsinə başlamağa hazır olduqlarını bildiriblər", - Abbasov bildirib.
Layihə aşağı faiz dərəcələri altında uzunmüddətli kreditlərin verilməsi yolu ilə əhalinin aztəminatlı təbəqələrinin kompüterlərlə təmin edilməsinə yönəlib. Layihənin realizəsi üçün Rabitə Nazirliyində İntel və Microsoft Korporasiyalarının iştirakı ilə xüsusi işçi qrupu yaradılıb.
Onun sözlərinə görə, hələ ki, kreditlərin verilməsi məsələsi həll edilməmiş qalıb. Məsələ Azərbaycan hökuməti ilə müzakirə olunur.
Layihənin realizəsi üçün Microsoft lisenziyalaşdırılmış proqram təminatı, İntel isə, güzəştli əsasda müvafiq avadanlıq təqdim edəcək.
Rabitə Nazirliyinin ilkin hesablamalarına görə, bu gün Azərbaycanda hər 100 nəfərə 3 - 4 kompüter düşür. Yeni layihə uğurla realizə edilərsə, bu rəqəmi beş dəfədən çox artırmaq mümkün olacaq.
Müəlliflə əlaqə saxlamaq üçün elektron ünvan: - [email protected]
