Azərbaycan, Bakı, 21 noyabr / Trend , müxbir S.Babayeva/ "Estoniya Azərbaycanın bank sektoruna portalların keyfiyyətli işlənməsi üçün IT-həllər, ümumilikdə yerli bazara isə, elektron səhiyyə sahəsində xidmətlər təqdim etməyə hazırdır", - Estoniya - Azərbaycan Ticarət Palatasının Bakı rəhbəri Yana Krimpe Trend -a bildirib.
"Əməkdaşlıq spektri çox genişdir. Əsas odur ki, biz qarşılıqlı marağı müşahidə edirik", - Krimpe qeyd edib.
Estoniya IT sahəsinin tətbiqi və bu xidmətlərin göstərilməsi sahəsində qabaqcıl ölkələr siyahısını daxildir. Estoniyada tətbiq olunan X- road layihəsini son nailiyyətlərdən hesab etmək olar. Layihə hökumətin məlumat bazasının 600 qurumu birləşdirən vahid sisteminin yaradılmasını ehtiva edir.
Krimpenin sözlərinə görə, Estoniya XİN Azərbaycanın Rabitə və İnformasiya Texnologiyaları Nazirliyi ilə İT sahəsində əməkdaşlıq razılaşmasının imzalanması üçün məsləhətləşmələr aparır.
"Düşünürəm ki, 2009 - cu ilədək biz bu razılaşmanı imzalaya biləcəyik", - Krimpe deyib.
Estoniya Milli Bankının məlumatına görə, 2008 - ci ilin birinci yarımilində bu Baltikyanı ölkədən Azərbaycan iqtisadiyyatına birbaşa sərmayələrin həcmi 548,5 mln. krondan 563 mln. kronadək artıb. Eston sərmayələri Azərbaycanın dövlət sektoruna, İT və tkinti sahəsinə yönəilb.
"Hazırda biz Azərbaycanda istehsala daha çox sərmayə yatrmaq istəyirik. Məqsədimiz Azərbaycanda eston sərmayəsini uzunmüddətli etməkdir", - Krimpe bildirib.
Ticarət Palatası sədrinin sözlərinə görə, sərmayələrin qorunması və təşviqi barədə razılaşmaların bağlanması ilə bağlı planlar mövcuddur.
"Biz Azərbaycanın Nəqliyyat Nazirliyi ilə danışıqlar aparmışıq. Onlar Estoniyanın logistika və tranzit mərkəzi olmasından çıxış edərək, bu razılaşmanın imzalanmasında maraqlıdırlar. Nəqliyyat logistikası, avtomobil və dəmiryolu daşınmaları üzrə bir sıra sənədlərin hazırlanacağı ehtimalı da istisna edilmir", - Krimpe söyləyib.
Müəlliflə əlaqə ünvanı: [email protected]
