Azərbaycan, Bakı, 03 dekabr/ Trend / Azərbaycan prezidenti İlham Əliyev "Bəzi fəaliyyət növlərinə xüsusi razılıq (lisenziya) verilməsi qaydalarının təkmilləşdirilməsi haqqında" 2002-ci il 2 sentyabr tarixli fərmanla təsdiq edilmiş "Xüsusi razılıq (lisenziya) tələb olunan fəaliyyət növlərinin siyahısı və həmin fəaliyyət növlərinə xüsusi razılıq (lisenziya) verilməsinə görə ödənilən dövlət rüsumunun məbləğləri"nə əlavələr edilməsi barədə fərman imzalayıb.
Əlavələr tətbiq olunandan sonra, sənədin ayrıca bəndində göstərilib ki, biometrik texnologiyalar üzrə xidmətlərin yaradılması və göstərilməsi üçün lisenziya Azərbaycan Rabitə və İnformasiya Texnologiyaları Nazirliyi tərəfindən verilir.
Lisenziyanın əldə edilməsi üçün dövlət rüsumunun məbləği 2200 manat müəyyən edilib.
Nazirlər Kabinetinə isə iki ay müddətində fərmandan irəli gələn digər məsələlərin həll edilməsi tapşırılıb.
