Azərbaycan, Bakı, 19 yanvar/ Trend , müxbir S.Babayeva/
Ölkənin efir məkanını müdafiə etməyə imkan verən milli radiomonitorinq sisteminin qurulması üçün, Azərbaycan altı şirkəti nəzərdən keçirir, - Azərbaycanın Rabitə və İnformasiya Texnologiyaları Nazirliyinin Dövlət Radiotezliklər İdarəsindən (DRİ) bazar ertəsi bildiriblər.
"Şəbəkənin qurulmasının daha əlverişli və keyfiyyətli variantlarını aşkar etmək məqsədilə, hazırda bu şirkətlərin təcrübəsi və işini öyrənirik", - DRİ - dən qeyd ediblər.
Namizədlər qismində Almaniya, İsrail, Türkiyə, Rusiya, Ukrayna və Kanadadan şirkətləri nəzərdən keçirilir.
Sistem vasitəsilə tezliklərdən səmərəli istifadə, elektron vasitələrin qeydiyyatı və uçot, qeydiyyatdan kənar qeyri - qanuni istifadənin və efirə müdaxilənin qarşısının alınması, efirə nəzarət təmin ediləcək.
Layihə üzrə iş üç mərhələdən ibarətdir və bu gün onun ikinci mərhələsi realizə olunur. İkinci mərhələyə layihə üzrə zəruri sənədlərin hazırlanması və sistemin quraşdırılması üçün hazırlıq işləri daxildir, - DRİ-nin rəhbəri Əflatun Məmmədov əvvəllər deyib.
İşlərin üçüncü mərhələsi çərçivəsində, müqavilə bağlanılması və şəbəkənin qurulması üçün avadanlığın quraşdırılması nəzərdə tutulub, yekunda müvafiq tenderin keçirilməsi də mümkündür.
Dövlət Radiotezliklər İdarəsindən bildiriblər ki, layihənin realizəsi hazırda kifayət qədər olan vəsaitlərdən asılıdır. Təxmini hesablamalara görə, layihənin icrasına başlamaq üşün ən azı 15 - 20 mln. avro lazımdır. Layihənin maliyyələşdirilməsini dövlət büdcəsinin və DRİ - nin daxili vəsaitlərinin, eləcə də texniki kreditlərin hesabına həyata keçirmək planlaşdırılır.
Ölkədə radiomonitorinq sisteminin yaradılması layihəsi Rabitə Nazirliyinin yaxın illərdə prirotet layihələri siyahısına daxil edilib.
Müəlliflə əlaqə saxlamaq üçün elektron ünvan: [email protected]
