Azərbaycan, Bakı, 30 aprel / Trend , müxbir S.Babayeva /
2008-2012-ci illərdə Azərbaycanda təhsil sisteminin informatizasiyası üzrə dövlət proqramı çərçivəsində maarifləndirici portalın yaradılması istiqamətində aparılan işlərin birinci mərhələsi başa çatıb. Bu haqda portalın yaradılması ilə məşğul olan ULTRA şirkətinin prezidenti Tahir Mirkişili deyib.
Onun sözlərinə əsasən, maarifləndirici portal hazır funksionalları testdən keçirilməsi üçün artıq Təhsil Nazirliyinə təqdim edilib. Hazırda portalın xidmətləri sınaqdan keçirilir.
Mirkişili qeyd edib ki, maarifləndirici portalın funksiyalarından dörd istifadəçi qrupu yararlana bilər: "müəllimlər", "şagirdlər", "tələbələr" və "valideynlər". Hər qrup üçün xüsusi interfeys və funksionallar nəzərdə tutulub.
Portalda Təhsil Nazirliyi, eləcə də müəllim və metodistlər tərəfindən mərkəzləşdirilmiş qaydada elektron maarifləndirici resurslar yerləşdiriləcək.
"Aparılan işlər sona çatdıqdan sonra Azərbaycan təhsil sisteminin ayrılmaz hissəsinə çevriləcək portal milli təhsil konsepsiyasının reallaşmasında önəmli vasitə olacaq", - ULTRA şirkətindən deyiblər.
Məqalə müəllifi ilə əlaqə ünvanı: [email protected]
