Azərbaycan, Bakı, 27 may / Trend , müxbir S.Babayeva /
Azərbaycanın Rabitə və İnformasiya Texnologiyaları Nazirliyinin müəssisəsi Azərpoşt DM (Dövlət Müəssisəsi) Hollandiyanın FACP şirkəti ilə birgə operatorun 2009-2011-ci illər üçün strategiya və biznes-planını hazırlayıblar. Bu barədə dövlət müəssisəsindən bildiriblər.
Razılaşma prioritet sahələrin və onun məqsədlərinin hazırlanmasını nəzərdə tutur ki, iş üzrə müxtəlif taktiki və əməliyyat planlarının hazırlanması mərhələsinə başlanılıb. Maliyyə xidmətləri sahəsi üzrə artıq 4 taktiki plan hazırlanıb (maliyyə xidmətlərinə inteqrasiya, ödəniş sistemləri, maliyyə və valyuta bazarları, risklərin idarə olunması, daxili nəzarət sisteminin quraşdırılması). Dövlət müəssisəsindən bildiriblər ki, hazırda poçt sahəsində taktiki planların hazırlanması aparılır (beynəlxalq standartlara uyğunluq, ekspress poçt xidmətləri bazarının genişlənməsi, izləmə sisteminin yaradılması və təkmilləşdirilməsi və logistika xidmətlərinin yaradılması).
Taktiki planların tam hazırlanması mayın sonunda başa çatacaq.
Azərpoçt 2009-cu ildən başlayaraq Dünya Bankı (DB) ilə birgə "Maliyyə xidmətlərinin inkişafı" layihəsi çərçivəsində Azərbaycanın poçt şəbəkəsinin modernləşdirilməsinə yönəlmiş maliyyə xidmətlərini təqdim edəcək.
Layihə 17,5 milyon dollar həcmində dəyərləndrilir. DB 12,25 milyon dollar həcmində kredit təqdim edəcək və layihəyə sərf ediləcək vəsaitin qalan hissəsi Rabitə və İnformasiya Texnologiyaları Nazirliyi və Azərbaycan Mərkəzi Bankı timsalında Azərbaycan Hökumətinin payına düşəcək.
Azərpoçt DM-in strukturuna 59 poçtamt, iki poçt müəssisəsi, iki törəmə müəssisə və 8 rabitə qovşağı daxildir. Azərpoçt DM-in müəssisələrində 4 mindən artıq əməkdaş çalışır.
Məqalə müəllifi ilə əlaqə ünvanı: [email protected]
