Azərbaycan, Bakı, 10 avqust / Trend , müxbir Q.Vəliyev /
Azərbaycan Latviya ilə elektron imza sahəsində əməkdaşlığa hazırdır, bazar ertəsi latviyalı nümayəndə heyətinin iştirakı ilə Bakıda keçirilən dəyirmi masada Azərbaycanın rabitə və informasiya texnologiyaları nazirinin müavini Elmir Vəlizadə bildirib.
Vəlizadənin sözlərinə əsasən, Azərbaycan və Latviya arasında informasiya-kommunikasiya texnologiyaları sahəsində üç müqavilə mövcuddur. Bu sahədə ikitərəfli əməkdaşlığın dinamik inkişafı Azərbaycan Respublikasının Prezidenti İlham Əliyevin başçılıq etdiyi nümayəndə heyətinin Latviyaya səfərindən sonra başlayıb.
Görüş zamanı Vəlizadə Azərbaycanda İKT sahəsində aparılan işlər, məqsədlər və strategiya barədə ətraflı məlumat verib. Nazir müavini şirkətin İKT sahəsindəki gəlirlərinin artımını da qeyd edib. İKT sahəsində dövlət proqramının əsas aspektlərinə toxunan Vəlizadə Azərbaycanda həyata keçirilən elektron hökumət və texnoparkların inkişafı, Qərbi Avropa və Sakit Okean regionu ölkələri arasında "uçurum"u aradan qaldırmağa yardım edəcək "Şərq-Qərb" informasiya supermagistralı layihələri haqqında danışıb.
Latviya Radio və Televiziya Mərkəzininin idarə heyətinin üzvü İna Qudelenin başçılıq etdiyi Latviya nümayəndə heyətinin tərkibinə elekron rabitə direksiyasının idarə heyətinin sədri Yanis Kruminş, Avropa məsələləri üzrə komitənin sədri Oskar Kastens, həmçinin "Telekom Baltiya", SWH SETS, RIX Technologies şirkətlərinin nümayəndələri daxil olub.
Qudelenin sözlərinə əsasən, son illər Azərbaycanın İKT sektorunda yüksək göstəricilərə nail olunub, sözügedən sahənin inkişafın uzunmüddətli səviyyəyəsinə çatması düzgün strategiyadır, belə ki, İKT bütün dünyada ən perspektivli sahədir. O bildirib ki, Latviya şirkətləri əməkdaşlıqda və Azərbaycanın informsiya texnologiyaları sektoruna investisiya yatırmaqda maraqlıdırlar.
Hazırda Latviya elektron iqtisadiyyat, elektron səhiyyə, elektron hökumət, elektron demokratiya və s. layihələr üzərində çalışır. Bütün bu istiqamətlər üzrə ölkənin bölüşməyə hazır olduğu yeni kəşfləri var. Qudele informasiya texnologiyalarının ikitərəfli əməkdaşlığın gələcək inkişafında oynayacağı mühüm rol haqqında danışıb.
Sonra latviyalı biznesmenlər qrupu azərbaycanlı həmkarları ilə əməkdaşlığın genişləndirilməsi imkanlarını müzakirə ediblər.
Məqalə müəllifi ilə əlaqə ünvanı: [email protected]
