Azərbaycan, Bakı, 13 avqust / Trend , müxbir Q.Vəliyev /
Latviya Azərbaycana informasiya-kommunikasiya texnologiyaları sahəsində yeniliklərini təklif edir, çərşənbə günü Trend -a Latviyanın nəqliyyat və rabitə naziri Kaspers Qerxards (Kaspars Gerhards) bildirib.
"Latviyanın bir çox müxtəlif proqramları var, rabitə və informasiya texnologiyaları sahəsi yetərincə inkişaf edir, ölkə bu sahədə təcrübəsini bölüşdürməyə hazırdır", - Qerxards bildirib.
Hazırda Latviyada "elektron hökumət" layihəsinin, elektron-rəqəmsal imzanın tətbiqi, "elektron məktəb" layihəsinin reallaşması üzrə işlər həyata keçirilir. Eyni zamanda, internet təhlükəsizliyi sahəsində işlər gücləndirilib. Bu gün infrastruktura yatırılan vəsait gələcəkdə şübhəsiz ki, müsbət nəticəsini verəcək.
"Bizim xüsusi ixtiralarımız, müəssisələr, elektron-rəqəmsal imza üçün Azərbaycana təklif etməyə hazır olduğumuz bir sıra proqramlarımız var. Xüsusilə Azərbaycan Prezidentinin sözlərini bir daha xatırlatmaq istərdik ki, Azərbaycan və Latviya iqtisadiyyatı rəqabət aparmır, bir-birini tamamlayır. Mən düşünürəm ki, burada bir çox təmas nöqtəsi tapmaq olar. Azərbaycanda Latviya şirkətlərini maraqlandıran sahələr, xüsusilə qida, ağac emalı, maşınqayırma sənayesidir. Nəqliyyat sahəsində də əməkdaşlığa böyük maraq var. Məlum olduğu kimi, prezidentimizin ilk səfərindən sonra iki ölkə arasında hava nəqliiyatı açıldı. Hazırda dəmiryolu nəqliyyatının açılması məsələsi nəzərdə keçirilir", - Qerxards bildirib.
Məqalə müəllifi ilə əlaqə ünvanı:[email protected]
